--Ads--
Ituloy ti House prosecution panel ti impeachment case kontra kenni Vice President Sara Duterte iti baet ti arrest warrant a naipulog kontra kenkuana idi Biernes, Setiembre 04, 2026.
Sigun kenni House prosecutor ken Bicol Saro party-list Rep. Terry Ridon, naisina ti constitutional accountability process ti impeachment proceeding.
Inlawlawagna a ti Senate Impeachment Court ket addaan iti bukod a pangngeddeng kadagiti bambanag.
Gapu iti dayta, rumbeng a mapalubosan dagiti korte ken ti Impeachment Court a mangaramid iti bukodda a responsibilidad iti konstitusion.
Inyunay-unay ni Ridon nga ituloy ti House prosecution panel nga aramiden ti constitutional mandate-na iti impeachment case agingga iti panagleppas daytoy.
