Impetteng ni Vice President Sara Duterte ita nga aldaw nga awan ti nadagsen nga ebidensya iti naipila nga impeachment complaint kontra kenkuana.
“The country witnessed what I have been saying all along: the complaint is not supported by evidence,” the Vice President said.
Maipalagip a naipokus ti maikauppat nga aldaw ti impeachment trial iti testimonya ni National Bureau of Investigation (NBI) Regional Director Atty. Jeremy Lotoc seknan iti maatap a panangisawangna iti pangta iti maysa a press conference kontra kada President Ferdinand “Bongbong” Marcos Jr., Lady Liza Araneta-Marcos, ken former speaker Martin Romualdez
Impettengna metlaeng nga awan ti napasamak a pangta ken awan ti ‘assassin’.
Kagiddan dayta, inyunayunayna metlaeng a kasapulan a nakabasar kadagiti ebidensya ti impeachment proceedings.
Maipalagip nga idi kalman, nalawag a kinuna ni Atty. Lotoc a naduktalanda iti imbestigasyonda a seryoso ken pudno ti insawang ni VP Sara, ken ada kabaelanna a manangipatungpal iti maatap a pangta na. //bombokaren.c.sapirao
