--Ads--
Saan a prayoridad ti Kamara ti impeachment complaint kontra kenni President Ferdinand Maros Jr.
Sigun kenni House Speaker Bojie Dy III, adu pay ti pakaseknan a sangsangwen ti pagilian isut gapuna a rumbeng a marisut paylaeng dagitoy.
Sungbat daytoy ti Speaker kadagiti post iti social media a mangibagbaga a mangipila ti impeachment complaint ni Dasmariñas City Rep. Francisco “Kiko” Barzaga kontra iti Presidente.
Inlawlawag ni Dy nga awan pay met ti naipila a reklamo, ken ti Kamara ket makumikom iti dadduma a napateg a banag.
Impasigurado ti Speaker iti publiko nga iti sidong ti panangidaulona, agtuloy a nakapokus iti Kamara kadagiti polisiya a mangsuporta kadagiti mannalon, panangpapigsa ti seguridad ti taraon, ken dadduma pay.
