Binabalaw ni House Prosecutor Terry Ridon ti dinakamat ti depensa nga agdepdependar laeng dagiti miyembro ti prosecution panel kadagiti private lawyers para iti kaso kontra iti bise presidente.
Nagramot ti nasao nga isyu kalpasan iti statement ti depensa nga adadda a nailaylayon ti pre-trial conference a nangrugi pay laeng idi Domingo.
Sigun iti defense member Atty. Mark Vinluan, agat-atendar laeng dagiti public prosecutor ti agsapa ngem dagos metlaeng dagitoy a pumanpanaw no sadino maibatbati dagiti trabaho kadagiti private prosecutors.
Depensa met ni Ridon, aktiboda a makipaspaset kadagiti conference tapno mapapartak ti proseso ti pre-trial ken marugianaen ti trial proper.
Sigun kenkuana, saan a manpower ti isyu ngem iti kinaadu dagiti dokumento a kasapulanda para iti trial.
Iti agdama, agtultuloy ti panangmarka kadagiti dokumento no sadino 50% kadagitoyen ti namarkaan. //bombokaren.c.sapirao
