Mabalinen a makita ti publiko dagiti amin a dokumento nga adda pakainaiganna iti mannarimaan nga impeachment trial ni Vice President Sara Duterte babaen iti Official Senate Website.
Sigun kenni Senate President Sherwin Gatchalian, paset daytoy ti addang ti senado nga agbalin a transparent iti proseso ti trial kasta metten tapno maipasigurado ti integridad ti institusyon.
Kasaruno daytoy, impanamnama ti Senate president ti panangipaay iti direktiba iti Senate Secretariat a siguradoenda ti kaaada ti umdas a resources tapno maipapubliko dagiti dokumento iti kabiitan a panawen.
Gapu iti daytoy, mabalinen nga iberipikar ti publiko dagiti ebidensya a mailatlatag iti nasao a trial.
Ginuyugoy met ni Gatchalian ti publiko a basaenda, tingitingen , ken adalenda dagiti nasao a dokumento tapno masurotanda ti agbalin a proseso ti panagdengngeg. //bombokaren.c.sapirao
