Maisayangkat ti impeachment trial ni Vice President Sara Duterte inton bulan ti Oktubre, iti agdama a tawen.
Daytoy ti kinuna ni Senate President Francis “Chiz” Escudero bayat ti press conference idiay Sorsogon idi laeng kalman.
Sigun kenni Escudero, mapatta-patta a saan a lumabes iti dua wenno a tallo a bulan ti “trial,” ken sakbayda nga ag-recess inton Oktubre, 2025 ket nagbotos dagitoyen.
Inwaksi pay ti Senate president dagiti kiddaw a mangisayangkat ti special session, pakairamanan ti kinuna ni Senate Minority Leader Aquilino “Koko” Pimentel III.
Inlawlawag ti senador a masapul nga adda ti “urgent legislation” wenno “emergency” tapno maisayangkat ti special session.
Kinuna pay ni Escudero a saan a mabalin a madakamat ti impeachment a rason ti Kongreso nga otomatiko a mangisayangkat iti session.
Maipalagip nga idi napalabas a lawas, kiniddaw ni Senador Pimental kenni Senador Escudero a dagos a mairugi ti impeachment trial ni Vice President Duterte, gaputa “constitutional duty” daytoy ti Senado a rumbeng a maaramid.