Agrugi ita nga aldaw, July 06 ti impeachment trial ni Vice President Sara Duterte.
Maangay ti umuna a trial proper iti 2:00 PM ita a Lunes bayat a maangay met ti trial iti 3:00PM iti Martes, Mierkoles, ken Huebes agingga iti termination.
Immuna nga immanamong dagiti partido nga usarenda ti Filipino ken English a pagsasao iti impeachment trial.
Mainaig iti dayta, nangipaulog ti Senado iti innem a set ti pagannurotan, pakairamanan ti security, media access, ken ti panaggaraw dagiti senador-judges iti uneg ti Senado.
Kabayatanna, kinuna ti Senate Impeachment Court ken dadduma nga opisiales ti gobierno a nasaysayaat no dumar-ay ni VP Sara Duterte.
Nupay kasta, mabalin nga ibagi ti defense team daytoy.
Iti agdama, awan paylaeng ti pammatalged no personal a dumar-ay ti bise presidnete iti naituding nga impeachment trial.
