BAGUIO CITY – Manamnama ti panagnumar ti ad-adu pay a mannalon ken agricultural service areas iti rehion Cordillera ti agnumar kadagiti nagduduma a proyekto ti Philippine Rural Development Project (PRDP) ti Department of Agriculture (DA).
Maibasar iti rekord, dumanonen iti P2.65-B ti pakabuklan a pondo ti DA-PRDP a naipaluspos para iti Cordillera para iti 49 nga infrastructure subprojects.
Manipud kadagiti 49 a naaprobaran a subprojects ket 34 ti nakompleton bayat a 15 ti manarimaan a maiyem-implementar, no sadino, kaaduan ditoy ket Farm-to-Market Roads (FMRs), Level II Water Systems, Communal Irrigation Systems ken dadduma pay nga imprastraktura kas iti consolidation centers ken slope protections.
Kadakkelan a pondo iti DA-PRDP ket nailatang ken naimplementar sadiay Kalinga a dimmanon ti P794-M a sinaruno ti Ifugao iti P747-M ken Benguet a P483-M.
Malaksid kadagitoy, inaprobaran metten ti Regional Project Advisory Board-Cordillera ti lima ng infrastructure subprojects a maponduan iti sidong ti DA-PRDP.
Mangnamnama ti gobyerno a babaen kadagiti nasao a proyekto ket mapasayaat ti panagtalon, transportasyon dagiti produkto ken ti panakailako dagiti produkto dagiti mannalon iti rehion Cordillera.
