--Ads--
BAGUIO CITY – Adu pay dagiti kasapulan a maurnos iti panakarambak ti Baguio Flower Festival wenno Panagbenga.
Segun kenni Andrew Pinero, Media Committee co – chair ti Baguio Flower Festival Foundation Inc., saanda a nagkurang iti panangpalagipda kadagiti turista ken sangaili iti panangpatalinaedda a nadalus ti siudad.
Nupay kasta, adu latta dagiti natatangken ti ulona a saan a nagtulnog iti daytoy.
Gapu iti daytoy, kinunana a tinalantanda kenni Mayor Mauricio Domogan ti nainget a panangiyimplementarda iti anti-littering ordinance ti siudad.
Impettengna nga awan ti maaramidanda nu natangken ti ulo ken awan ti bibiyang ti dadduma a bisita iti aglawlaw isut gapuna a kasapulan nga adda ti masampolan ken mapatawan iti pannusa.
