BAGUIO CITY – Bayat a sumaysayaaten ti sitwayon ken lumuklukay metten dagiti restriksiyon seknan iti covid-19, rumbeng nga agsaganan dagiti dadduma pay a pagadalan ken agaplikardan para iti limited in- person classes.
Babaen iti daytoy, mapalawa ti implementasyon ti limited face-to-face classes ken mapasayaat metten ti panagadal dagiti ubbing. Mangitunda gamin met daytoy iti panaggaraw dagiti tao a mangpadur-as met iti ekonomya.
Tapno maaramid daytoy, masapul ti kooperasyon ken panag titinnulong dagiti amin a maseknan, pakairamanan dagiti pagadalan, lokal a gobyerno, dagiti nagannak ken ti intero a komunidad.
Nupay kasta, rumbeng nga maipanamnama ti umno a pagalagadan tapno maipanamnama ti siguridad iti salun-at dagiti estudyante.
Ti napateg, maipangpangruna ti pagimbagan ken masakbayan dagiti ubbing.
