BAGUIO CITY – Naitantan ti implementasyon pammilin kontra iti panagngalngal ti moma kadagiti amin a drivers dagiti parapubliko a lugan ditoy Rehion Cordillera.
Immuna a naipadamag a maimplementar daytoy inton Abril 15, aldaw ti Lunes.
Nupay kasta, kinuna ti Department of Transportation (DOTr) – Cordillera nga ag-epektibo ti pammilin inton Abril 22.
Sigun kenni DOTr – Cordillera Regional Director Engr. Robert Allan Santiago a maipawil ti panagngalngal ti moma dagiti nasao a drivers kalpasan ti panakaipablaak daytoy kadagiti pagiwarnak ken ti panakaipaay ti kopya ti pammilin kadagiti drivers.
Kinunana nga umuna a maipatungpal ti pammilin ditoy siudad ti Baguio ken sadiay Benguet.
Innayonna a maipatpatungpal ti information drive seknan iti pammilin iti dadduma a paset ti Cordillera.
