Inikkaten iti Department of Agriculture ti import ban kadagiti domestic ken wild birds kasta metten dagiti poultry products nga agtaud kadagiti innem nga estado iti America a pakairamanan iti Indiana, Maryland, Missouri, New York, Ohio, ken Pennsylvania.
Daytoy ket kasaruno ti panangkumpirmar iti US veterinary authorities a narisuten ti outbreaks kadagiti nadakamat a lugar.
Maipalagip a temporaryo nga imparit iti pagilian a Pilipinas ti panag-import kadagiti nasao a produkto nga agtaud kadagiti nadakamat lugar idiay Estados Unidos gapu iti panagraira sadiay dagiti highly pathogenic avian influenza wenno ti HPAI.
Karaman kadagiti saklawen iti poultry products ti itlog, day-old chicks, ken dagiti bird semen.