Inarestar dagiti otoridad ti maysa a menor de edad nga ina kalpasan a naaktwan nga ilaklakona online ti anakna a makabulan laeng a maladaga iti gatad a ₱55,000.
Sigun iti report, ti agtawen iti 17 a suspek ket natiliw gapu ta dagiti kinatungtungna a pangilakkoan iti maladaga ket mismo a kameng iti Philippine National Police (PNP) Women and Children Protection Center.
Sigun iti pulisya, binantayanda ti tignay ti suspek idi naduktalanda a panggepna nga ilako ti anakna iti social media kadagiti mangayat nga agampon.
Naduktalanda metlaeng a panggep nga aramaten ti suspek ti kwarta a mapaglakkoanna para iti nagatosna a tuition fees.
Gapu iti dayta, sumango iti kaso a panaglabsing iti Anti-Trafficking in Persons Act ti suspek bayat a maim-imbestigaran paylaeng nu kakumplot daytoy ti agtawnen met iti 18 nga ama ti ubing.
Iti agdama, addan iti kustodiya dagiti social workers ti maladaga ken ti menor de edad nga ina daytoy.
