Naklaat ni Atty. Mary Luz Ebes-Dictaan, tubo iti probinsya ti Benguet a nagadal sadiay Saint Luis University kalpasan a naamoanna a karaman daytoy kadagiti nakapasa iti naangay a 2024 BAR Examinations idi Setyembre a 8, 11, ken 15 idi agdama a tawen.
Iti panakiuman ti Bombo Radyo kenni Atty. Ebes-Dictaan, saanna a ninamnama a mairaman ti naganna kadagiti pimmasa gapu ta narigat ti eksaminasyon.
Gapu iti dayta, nalaos ti ragsakna kasta met a nagyaman daytoy iti pamilyana, iti asawana a nangisardeng iti panagadalna iti law a kas kenkuana tapno mas masuportaranna daytoy.
Sigun kenni Atty. Ebez-Dictaan, ti asawa ken anakna ti nagbalin nga inspirasyonna kabayatan ti panagadalna iti law.
Impeksana met nga iti panag-takena iti BAR exam ket kinasapulanna nga agresign iti trabaho tapno maipaayanna iti pokus ti panagreviewna.
Innayonna pay nga iti BAR exam, nasken nga iti umuna pay laeng nga aldaw ket nakasaganan ti bukod a bagi tapno saan a mapukawan iti enerhiya iti maikadua ken maikatlo nga aldaw ti exam.
Kabayatanna, impeksana kadagiti saan a nakapasa iti BAR exam a saan dagitoy a mapukawan iti namnama.
“laban lang ng laban we have our own time, hindi tayu pare-parehas, … mayroon at mayroon time si Lord para sa atin.”
Iti sabali a bangir, kinunana kadagiti agpangpanggep a sumrek iti law school a nasken nga ammoenda nu anya ti rasonda iti panagserrekda iti nasao a kurso.
Malaksid iti dayta, kasapulan nga adda ti motibasyon nangruna ket narigat ti proseso daytoy.
