--Ads--
BAGUIO CITY – Nakemmeg ti maysa a babai kalpasan a naaktoan daytoy dagiti pulis nga agar-aramat iti maatap a shabu sadiay Sunny Side, Fairview, Baguio City.
Ti suspek ket agtawen iti 24, single parent, tubo ti Benguet ken residente ti nasao a lugar.
Maibasar iti report, nagpatulong dagiti kameng ti DSWD iti Baguio City Police Office idi naamuanda nga inkulong ti suspek ti anak daytoy nga agtawen iti lima.
Iti panagturong dagiti pulis iti balay ti suspek ket naaktoanda daytoy nga agar-aramat iti maatap a shabu.
Dagus a nakemmeg ti suspek bayat a ti anakna ket naipaima iti DSWD.
Sumangsango ita ti suspek iti kaso a panaglabsing iti comprehensive Dangerous Drugs Act of 1992 ken Anti Child Abuse Law.
