BAGUIO CITY – Nangrugin ti inaldaw a panagbiahe ti Victory Liner manipud Baguio City paturong sadiay Dagupan, Pangasinan ken pasubli iti siudad.
Daytoy ti kaunaan a gundaway a mailukat ti operasion ti nasao a bus company iti inaldaw sipud nagraira ti COVID-19 pandemic.
Nupay kasta, epektibo laeng daytoy iti agdama a bulan no sadino malimitaran ti panagbiaheda iti sumaruno a bulan.
Naipatungpal daytoy babaen iti rekomendasion ti Department of Tourism para iti in-inot a panaglukat ti turismo.
Sigun kenni Operations Supervisor of Trip Quest Travel and Tours, Kate Daphne Zantua, 5:00 iti agsapa ti kasapaan a biahe bayat a 7:00 iti rabii ti maudi a biahe paruar ken pasubli iti Baguio City.
Kinunana a kasapulan laeng ti vaccination card wenno VaxCert kadagiti pasahero nga agbiahe sadiay Dagupan bayat a kasapulan nga agparehistro dagiti pasahero nga agawid iti siudad babaen iti visita.baguio.gov.ph malaksid pay iti vaccination card ken negatibo a resulta ti RT PCR test wenno Antigen Test.
