Agbalballakad ita ti City Social Welfare and Development Office (CSWDO) iti publiko partikular dagiti naayat a mangipaay iti tulong ken donasyon a naapektaran iti panaglabas ti bagyo ken habagat iti siudad.
Daytoy ket tapno ma-account a nasayaat dagiti maipaay a donasyon ken tulong para kadagiti pappamilya nga agkasapulan ken tapno maaddaan iti umno a dokumentasyon ken maiwaras a nasayaat dagiti ipaayda nga assistance.
Nupay kasta, mabalin met a diresto nga ipaay dagiti indibidual wenno organisasyon dagiti donasyonda kadagiti mismo a pamilya.
Iti baet dayta, ap-apresyaren met ti nasao nga opisina ti kinamanagparabur dagiti organisasyon, grupo, stakeholders kasta metten dagiti pribado nga indibidual a nakasagana a mangipaay iti donasyon kadagiti naapektaran a pappamilya.
Para kadagiti agpangpanggep pay a mangipaay iti donasyon, mabalin a makontak ti City Social Welfare and Development Office bebaen iti telephone number a (074) 661-6913 wenno cellphone number a 0974 422 6056 wenno saan ket mabalin a personal nga agturong iti opisinada idiay Upper Session Road, Baguio City. //bombokaren.c.sapirao
