Impakaammo ti Philippine National Police (PNP) a dumanon iti sangapulo ket tallo nga indibidual ti pimmusay manipud kadagiti uppat a pulo ket siyam a validated election-related incidents manipud nangrugi ti election period idi Enero a doe, iti agdama a tawen.
Uppat kadagitoy ti manipud iti Cordillera Administrative Region (CAR), tallo sadiay Zamboanga Peninsula, bayat a dua sadiay Cagayan Valley.
Malaksid iti dayta, sag-maysa met sadiay Ilocos Region, Central Luzon, Soccsksargen, ken Bangsamoro Autonomous Region in Muslim Mindanao (BARMM).
Manipud kadagiti nasao a kaso, tallo kadagiti suspect ti naarestar bayat nga uppat a pulo ket uppat paylaeng ti mabirbiruk.
Impakaammo pay ti Philippine National Police (PNP) a kaadduan kadagitoy ket shooting incidents a dumanon iti dua pulo ket lima, pakairamanan ti strafing, threat, harassment, explosion, kidnapping with homicide, mauling, grenade throwing, ken dadduma pay.
