Balligi a naipatungpal ti Indigenous Peoples’ Day iti munisipyo ti La Trinidad, Benguet ita nga aldaw.
Nagbalin met kas guest speaker ditoy ni Las Piñas City Congresswoman Camille Villar.
Iti panagbitla ti nasao a kongresista, pinadayawanna ti nasao a munisipyo gapu iti wagas dagitoy a panangrambak babaen iti panangipakitada iti naisangsangayan ken nabaknang a kultura ti La Trinidad, Benguet.
Patienna a ti munisipyo ken ti entiro a probinsya ti Benguet ket maysa kadagiti lugar nga addaan iti kasayaatan ken naidumduma a kultura ditoy pagilian a Pilipinas.
Impetteng pay ni Villar a nasken a saan a liwayan dagiti elders ti responsibilidadda nga ipatawid kadagiti sumarsaruno a henerasyon ti kultura ken tradisyon ti munisipyo tapno masustinir daytoy.
Kabayatanna, pinagyamanna pay dagiti opisyales iti panang-imbitarda kenkuana.
