Dumanon iti agarup P357K ti inisyal a danyos ti nauram a warehouse sadiay Carrantes Compound, Camp 7, Baguio City idi kalman.
Maipalagip a napasamak ti uram iti agarup alas kwatro i-medya ti agsapa idi Pebrero kwatro ken naideklara a fire out daytoy iti oras ti alas singko kwarentay singko iti metlaeng agsapa.
Iti pannakiuman ti Bombo Radyo kenni Senior Fire Officer 1 Lyod Ashley Furigay, Public Information Officer ti Bureau of Fire Protection-Baguio, kinunana a maibasar iti inisyal nga imbestigasyon dagitoy ket dumanon iti 232 square meter ti kalawa ti nauram a warehouse.
Nupay kasta, awan paylaeng ti consolidated report nu ania ti rason a napasamak daytoy gapu ta manarimaan paylaeng ti imbestigasyon ngem nakolektar metten ti electrical samples ken madama nga ad-adalenda ti napasamak nga uram tapno mabigbig ti rason ti uram.
Maipalagip meltaeng a sumagmamano a motor ken maysa a lugan ti naapektaran ti napasamak nga uram.
Kabayatanna, natakwatan a maymaysa ti agtagikua ti nasao a warehouse.
Sigun kadagiti nakapatang ti Bombo Radyo a witness, napigsan ti apoy rason a saan dagitoyen a nakastrek ti warehouse tapno isalbar pay ti maysa a motor.
Iti sabali a bangir, dumanon met iti agarup P3.7 Million ti inisyal a danyos ti nasapamak nga uram sadiay Legarda Road iti maysa a bar.
Nupay kasta, mabalin a manayunan dagitoy gapu ta maur-uray paylaeng ti affidavit of loss nu manu ti danyos ti nasao nga uram.//via Bombo Noveh Organo
