--Ads--
BAGUIO CITY – Agtultuloy a bambantayan ti Police Regional Office Cordillera (PROCOR) dagiti munisipyo iti rehiyon a maibilbilang kas Communist Terrorist Group areas.
Sigun ken PROCOR Chief Regional Staff PCol. Elmer Ragay, dumanon iti innem dagiti munisipyo sadiay Kalinga ti adda iti listaanda iti agdama a bambantayanda pakairamanan ti Tinglayan, Rizal, Balbalan, Pasil, Pinukpuk, Tabuk, ken Lubuagan
Nupay kasta, nagtalinaed met a naulimek dagiti nasao a munisipyo agingga iti agdama
Awan pay iti naawatda a report seknan iti presensya dagiti nasao grupo sadiay.
Kagiddan iti dayta, naipanamnama nga agtultuloy ti panagwanawanda tapnu maipasigurado iti kinaulimek dagiti nasao a lugar nangruna ita a panawen ti eleksyon.
