Inwaragawag ti military ti Israel a nadiskobreda ti innem a bagi ti pimmusay a hostage sadiay Gaza kalpasan ti naituding a panakaisardeng ti giyera iti nasao a lugar para iti panakaipatungpal ti polio vaccination.
Sigun iti maysa a militar ti Israel, dagiti nadiskobre a bagi dagiti hostage ket nasarakan iti underground tunnel sadiay Rafah.
Nabigbig dagiti bagi a da Hersh Goldberg-Polin, Carmel Gat, Eden Yerushalmi, Alexander Lobanov, Almog Sarusi, ken Master Sergeant Ori Danino.
Maipalagip a dumanon iti 251 ti hinostage dagiti Hamas idi Oktubre a syete kalpasan ti panagatake dagitoy sadiay Southern Israel.
Sigun kadagiti militar, agarup sangagasut nga hostage ti sitatalinaed nga igem dagiti militante a Hamas bayat a dionosdosena nga indibidual ti pimmusayen.
Iti nasao nga insidente, impeksa ni Unites States President Joe Biden ti panagladingitna.
