BAGUIO CITY- Kitkitaen ita ti lokal a gobierno ti Baguio City ti innem a lokasyon a makaipatakderan ti maisingsingasing a multi-level ken modular parking a makatulong para iti pannakawaya waya ti kasasaad ti trapiko ti syudad.
Sigun ken City information officer Aileen Refuerzo, karaman kadagiti maad-adal iti agdama ti lokasyon ti sigud nga auditorium sadiay Burnham Park, underground parking iti Baguio tennis court, Botanical Garden, Wright Park, ken sadiay Mines View Park.
Inlawlawagna a dagiti nasao a lugar ti maysa kadagiti paborito dagiti turista a pagturungan nangruna tunggal weekends a kadawyan a makapaspasaran ti nailet a ksasaad ti trapiko.
Nupay kasta, mabalin laeng a marugyan ti nasao a proyekto babaen kadagiti available a pondo ti lokal a gobierno ti syudad wenno iti public-private partnership scheme.
Inmunan nga inwaragawag ti Baguio LGU dagiti nasken a maipangruna a proyekto ditoy syudad a makatulong iti parikot ti sitwasyon ti urban decay a pakairamanan ti parikot iti trapiko ken parking spaces.
