Inwaragawag ti Department of Agriculture’s Department of Fisheries and Aquatic Resources (BFAR), a nagpositibo ti innem a lugar iti pagilian ti toxic red tide.
Maibasar iti Shellfish Bulletin no. 8 a nairuar idi kalman, nagpositibo iti Paralytic Shellfish Poison ti Coastal waters iti Milagros idiay Masbate; San Pedro Bay idiay Samar; Matarinao Bay iti Eastern Samar; Coastal waters ti Dauis ken Tagbilaran City idiay Bohol; Damanguillas Bay idiay Zamboanga del Sur; Coastal waters iti San Benito idiay Surigao del Norte.
Sigun iti Bureau of Fisheries and Aquatic Resources, amin a kita ti shellfish ken acetes wenno alamang a naurnong manipud kadagiti nadakamat a lugar ket saan a natalged a kanen ti tao.
Nupay kasta, natalged a kanen dagiti ikan, pusit, udang, ken crabs manipud kadagiti nasao a lugar, no presko, nabugguan a naimbag, ken naikkat dagiti internal organs dagitoy, pakairamanan ti gills ken bituka sakbay a maluto.
