--Ads--
Pimmusay ti innem nga indibidwal idiay Jerusalem kalpasan a napalpaltugan dagitoy bayat a walo ti nadangran pakairamanan ti maysa a Palestino.
Sigun kadagiti kameng iti pulisya idiay Israel, dua a nakamotor a Palestinan gunmen ti dimteng iti Ramot Junction ken nagpaputok iti paltog iti bus stop.
Kasaruno dayta, nagpaputok met ti paltog ti maysa a security officer ken maysa a sibilyan rason a napapatay metlaeng dagiti suspek.
Manarimaan metten ti imbestigasyon ti Israeli Police tapno maduktalanda ti nagtaudan dagiti suspek.
Impanamnama met ni Israeli Prime Minister Benjamin Netanyahu a tiliwenda ti siasinoman a nangtulong kadagiti gunmen.
