Nangipayulog ti House good government and public accountability committee iti subpoena ad testificandum kadagiti innem nga opisyal iti Office of the Vice President, gapu iti saan dagitoy a pannakipaset iti imbistigasyon seknan iti budget ken ti confidential funds iti opisina dagitoy.
Malaksid iti daytoy, nangiruar metlaeng ni Manila Representative Joel Chua, committee chairman iti motion tapno mangipaay iti Immigration Lookout Bulletin Order (ILBO) kontra kadagitoy.
Kabayatanna, maipalagip nga immunan nga impetteng ni Vice President Sara Duterte a saan a nagastos ti budget iti awan ti kaes-eskanna a banag kasaruno ti inruar ti Commision on Audit a rekord a nagastos ti Office of the Vice President ti P125 million iti uneg laeng ti sangapulo ket maysa nga aldaw idi 2022.
Innayonna metlaeng a saan a ti budget ti puntirya dagitoy no diket tapno agaramid iti kaso para iti impeachment daytoy.
