BAGUIO CITY – Nagkiddawen iti pammakawan ti management ti LBC mainaig iti napasamak nga insidente iti branch dagitoy ditoy siudad ti Baguio nga immunan a nagbalin a viral iti social media.
Iti kopya ti official statement ti kompanya a naipatulod iti Bombo Radyo, nakalanad nga imimbestigaran dagitoy ti nasao nga insidente babaen iti panakiumanda kadagiti tattao a nairaman iti nasao a pasamak.
Impetteng ti kompanya a napateg ti tunggal customers dagitoy nangruna dagiti senior citizens, ken ti tarigagayda laeng ket kanayun a maipaayan dagitoy iti dekalibre a serbisyo.
Iti met panakiuman ti Bombo Radyo kenni Chele Mendoza, chief executive officer ti kompanya, kinunana a nupay nagtunosen ti empleado ken ti lolo ket naaddaanda iti closed door meeting kadwada dagiti opisyales ti courier company.
Kinunana a mangiruardanto iti official state mainaig pay laeng iti nasao a banag.
Maipalagip a nagbalin a viral iti social media ti video a pakabuyaan iti saan a panangipangruna ti empleado ti courier company iti maysa a lolo a binugbugkawan pay ti maysa pay a kustomer.
Idi met kalman ket nagsarak ti customer ken ti nasao a lolo ket nagtunos dagitoy.
