PARACELIS, MT. PROVINCE – Manarimaan ti imbestigasion dagiti otoridad iti napasamak nga insidente iti pammaltog idiay Sitio Turod, Barangay Butigue Paracelis, Mt. Province.
Iti exclusive interview ti Bombo Radyo iti maysa a personel ti Paracelis, Municipal Police Station kinunana a napasamak ti insidente iti pasado 4:00 PM ita nga aldaw, May 10, 2025.
Maibasar iti inistial nga imbistigasion dagiti otoridad, nakalugan ti biktima iti Black Toyota Pick-up idi killaat a pinalpaltugan ti saan pay a nabigbig nga indibidual.
Ti suspek ket adda iti uneg ti maysa a lugan a nakaparada iti igid ti kalsada iti nasao a lugar.
Dagus metlaeng nga immikkat dagiti suspek, kalpasanda a pinalpaltugan ti biktima.
Saan met a nadangran ti biktima kalpasan a dagus a naglummeng iti uneg ti luganna.
Kalpasan nga immikat dagiti suspek, dagus nga in-atras ti biktima ti luganna aginga kadagiti babbalay nga asideg iti napasamakan ti insidente.
Sigun kadagiti otoridad, saan a kandidato iti umadani a 2025 Midterm Election ti biktima.//mp4
