Abra – Dumanonen iti dua pulo nga insidente ti pammaltog ti nairekord idiay Abra.
Ti kaudian a pammaltog ket napasamak idiay Tayum, Abra pasado alas onse idi rabii a nangitunda iti ipupusay ti maysa nga indibidual.
Ti biktima ket ni Mark Angelo Vibas a residente ti Lugit, Patucannay, Tayum, Abra.
Maibasar iti inisyal nga imbestigasyon ti Tayum Municipal Police Station, nag-iinom ti biktima ken dagiti kakadwana agingga a napasamak ti krimen.
Iti naudi nga interview ti Bombo Radyo Baguio kenni PLTCOL. Daniel Pel-ey, Information Officer ti Abra Police Provincial Police Office, 18 nga insidente ti pammaltog ti nairekordda.
Nupay kasta, nasarunoan ti nasao a bilang iti dua pay nga insidente ti pammaltog.
Immuna metten a kiniddaw ti maysa nga election officer kadagiti law enforcement agencies idiay Abra a nayunanda ti bilang dagiti agpatrolya tapno saan a mabuteng dagiti umili ken botante a rumwar kadagiti pagtaenganda.
Sigun met kenni Pel-ey, nagkiddawdan iti kanayonan a police personnel iti Police Regional Office Cordillera kas katulonganda iti panangipaay iti seguridad iti publiko.//via Cara Sacyaten
