Binilinen iti Land Transportation Franchising and Regulatory Board (LTFRB) dagiti amin a regional directors daytoy ken dagiti public transport companies a rugyandan ti mangipatungpal iti inspeksyon kadagiti bus ken transport terminals.
Ti pammilin ket naipaiyulog para iti umadanin ng All Souls’ day ken All Saints’ Day nu sadino, manamnama ti panagdudupadop dagiti pasahero nga agawid kadagiti nagtaudanda a probinsya.
Imbilin ni LTFRB Chief Vigor Mendoza II a rumbeng a mainspeksyon saan laeng a dagiti lugan nu di ket uray dagiti driver ken konduktor tapno maipatalged ti seguridad dagiti pasahero.
Malaksid iti dayta, kasapulan metlaeng a maisimpa ti kondisyon dagiti parapubliko a kasilyas wenno comfort room, madalusan a nasayaat, maaddaan iti umno a silaw ken ventilation, ken kasapulan a minimal laeng ti masingir kadagiti agaramat iti daytoy.
Kabayatanna, dinakamat ti opisyal a mangibaonda kadagiti mystery passengers a mangkita iti kasasaad dagiti terminal ken transport facilities mangrugi inton October 24 tapno maduktalan nu siasino dagiti agtultulnog kadagiti agency standards kasta met dagiti aglabsing.
