Maal-allukoy dagiti interesado a sumrek iti Philippine Army a mabalin nga ag-exam dagitoy iti maipatungpal a pre-entry exam iti sadiay Wangal La Trinidad, Benguet inton Marso baente tres agingga Marso baente sais, iti agdama a tawen.
Agkasapulan dagitoy iti walo gasut nga indibidual para iti Officer Candidate Course bayat a 2,327 met ti kasapulanda para iti Candidate Soldier Course.
Ti requirements para iti Candidate Soldier Course ket Original Diploma idi Senior High School, Form 137-A, PSA issued Birth Certificate, ken government issued valid ID.
Kabayatanna, ti requirements met para iti Officer Candidate Course ket original college diploma, original transcript of records, PSA issued Birth Certificate ken government issued valid ID.
Para kadagiti college fresh graduates a saan pay a nakaala iti diploma ken transcript of records mabalin laeng nga ipakita ti certificate of graduation kas pammaneknek.
Dagiti interesado nga ag-exam para iti Officer Candidate Course ket agkawes laeng iti white polo shirt, maong pants ken rubber shoes bayat a plain white shirt round neck, maong pants ken rubber shoes kadagiti ag-exam iti Candidate Soldier Course.
Ti nasao nga examination ket libre no sadino awan ti aniaman a makolektar manipud kadagiti examinees.
