Saan a pinatgan ti lima a 5 panel judges iti International Criminal Court (ICC) Appeals Chamber ti interim release a kiddaw ni sigud a President Rodrigo Duterte.
Pormal nga imbasa daytoy ni ICC Appeals Chamber Presiding Judge Luz del Carmen Ibáñez Carranza idi Biyernes, Nobiyembre 28.
Impetteng ti Chamber a ti sakit ni Duterte ket saan a rason tapno mapatgan ti Interim release daytoy.
Maipalagip a saan metlaeng a pinatagan ti ICC Pre-Trial Chamber I ti napalabas nga interim release a kiddaw ti kampo ti sigud a President Duterte.
Gapu iti dayta, agtaltalinaed a nakabalud ni Duterte sadiay The Hague, Netherlands.
Sumangsango ti sigud a presidente iti kaso mainaig iti 49 incidents of murder ken attempted murder a maatap a naaramid iti kinamayorna sadiay Davao City ken bayat ti kinapresidente na iti Pilipinas.
