Inreimburse ni Department of the Interior and Local Government (DILG) Secretary Jonvic Remulla ti P28,011 a ginastos ni Reina Mercedes, Isabela Vice Mayor Atty. Harold Respicio iti drug test daytoy.
Nagramut ti isyu iti nagbaetan dagiti dua nga opisyales kalpasan a nagviral iti social media ti nagbalin a kagagalad ni Respicio iti maysa a session kadua dagiti mannalon ken Punong Barangay iti nasao a lugar.
Gapu iti daytoy, kinarit ni Remulla ni Respicio a dumalan daytoy iti drug testing.
Dagos met a nagpadrug test ni Respicio idi Oktobre 7 no sadino nag-negative daytoy iti panangaramat iti maiparit a droga.
Impablaakna nga agarup P28,911 ti binayadanna iti nasao a test.
Sinungbatan met daytoy ti Remulla nga ipatulodna laeng ti numerona a pangipatulodanna iti nasao a gatad.
Kalpasanna, nagkomento ni Remulla iti comment section ti pablaak ni Respicio iti screenshot ti pammaneknek nga impatulodnan ti nasao a gatad.
