Manamnama ti panagadal manen ti International Criminal Court (ICC) ti application dagiti mapapati a biktima ti war on drugs campaign a kayatna a makipaset iti panangdengngeg ti kaso ti sigud a presidente.
Daytoy ket kalpasan iti panangkumpirmar ti international court iti tallo a bilang ti kaso ni sigud a president Duterte.
Sigun iti International Criminal Court (ICC), mangiruarda iti baro a deadline para kadagiti kayatna nga agaplikar a kapamilya dagiti biktima bayat nga adda pay laeng iti trial stage ti nasao a kaso.
Dagiti application a saan a pinmasa iti saklaw ti nasao a kaso ket mabalin nga agaplikar manen iti maisumitir idiay Trial Chamber tapno maadal manen para iti posible a konsiderasyon.
Immunan a pinalubosan ti International Criminal Court Pre-Trial Chamber 1 ti agingga 539 a biktima a makipaset iti naituding a panangdengngeg.
Nupay kasta, immunan nga inlawlawag ti korte a saanna kayat a sawen nga agtestigo dagiti biktima iti nasao a hearing. //bombokaren.c.s
