Agkiddaw ti Department of the Interior and Local Government (DILG) iti Interpol Red Notice kontra kenni Batangas 1st District Representative Leandro Leviste.
Daytoy ket kasaruno ti pannakaipaulog ti warrant of arrest kontra kenkuana gapu iti panaglabsing daytoy iti Public Service Act.
Sigun kenni DILG Secretary Jonvic Remulla, makikoordinar dagitoy iti Philippine Center on Transnational Crime (PCTC) tapno maduktalan ti lokasyon ni Leviste.
Patien dagiti otoridad nga adda sadiay Germany ti Kongresista.
Kabayatanna, ginuyugoy ni Remulla ni Leviste nga agawid laeng iti pagilian ken sangwenna ti kaso daytoy.
Sumagsango ni Leviste iti kaso gapu iti panaglabsing daytoy iti Public Service Act, saan a naileppas a solar projects, maatap a graft and financial discrepancies ken dadduma pay.
