BAGUIO CITY – Agtultuloy ti koordinasyon dagiti umili iti Philippine Drug Enforcement Agency (PDEA), Philippine National Police (PNP) ken local a gobyerno para iti pannakatiliw dagiti indibidual nga adda pannakainaiganna iti illigal a droga idiay Irisan, Baguio City.
Iti interview ti Bombo Radyo kenni Barangay Captain Arthur Carlos, kinunana a dagiti dayu iti barangayda ti kaadoan a matiltiliwan ti droga.
Impetteng ti Kapitan a nu pay nagsasaruno ti pannakatiliw dagiti indibidual idiay Irisan gapu iti iligal a droga ket agtaltalinaed latta a drug free ti barangayda gapu ta makita ti pannakitinnulong dagiti opisyales ken umili kadagiti otoridad tapnu masolusyunan daytoy.
Maipalagip a naideklara ti Barangay Irisan kas drug free idi napalabas a tawen.
