BAGUIO CITY – Simmarungkar ditoy siyudad ti Baguio ni Israel Ambassador to the Philippines Rafael Harpaz idi kalman, Abril 3.
Panggep ti panagsarungkarna ti ad-adda a panakapatibker ti relasyon ti Pilipinas ken Israel.
Iti panagbitlana sadiay City Hall ti Baguio, impalagipna ti nagbalin a tulong ti Pilipinas iti Israel idi maikaduwa a gubat sangalubongan, partikular ti panangpasangbay ti Pilipinas kadagiti Hudyo a nagkamang ditoy pagilian tapnu makalibasda iti holocaust ni Adolf Hitler.
Kinuna ni Ambassador Harpaz a gapu iti daytoy ket nakasagana met ti Israel a tumulong iti pagillian babaen iti panangibinglayna kadagiti estratehiya nga ar-aramatenda tapnu malapdan ti panagkurang ti suplay ti danum iti kanito a mapasaran ti tikag.
Impasiguradona pay ti agtultuloy nga koordinasyon ti Israel ken Pilipinas para iti idudur-as ti sektor ti agrikultura.
