Impakaamo ti Israel a saan pay nga inted ti Hamas ti kasasaad ti tallo pulo ket uppat a balud nga indeklara ti grupo a nakasaganan a mangwayawaya iti umuna a paset ti posible nga exchange deal.
Adu a bulan a mangisaysayangkat dagiti mediator a kas ti Qatar, Egypt ken Estados Unidos tapno makaaramidda iti katulagan tapno agpatingga ti gubat idiay Gaza, ngem agpada a nagpipinnabasol dagiti dua isut rason a saan a matultuloy ti negosasion.
Itay laeng nabiit, inrugi manen dagiti mediator ti saan a direkta a saritaan iti nagbaetan ti Israel ken Hamas, uray no agtultuloy ti puersa ti Israel idiay Gaza.
Idi laeng Domingo, kinuna ti maysa a nangato nga opisial ti Hamas nga immanamong dagitoy a palubusan wenno waya-wayaan dagiti tallo pulo ket uppat nga Israeli a balud manipud iti listaan nga indatag ti Israel kas paset ti katulagan a panagsinnukat ti balud.
Nupay kasta, kinuna ti nangato nga opisial ti Hamas a kasapulanda paylaeng ti nawadwad nga oras tapno maamuan ti kondision dagiti balud ken mailasin dagiti pimmusay ken nabyag.
