ISRAEL-Pagsagsaganaen ti Israel ken ti Philippine Embassy dagiti Pilipino sadiay Israel apaman a kumaro ti tension iti nagbaetan ti nasao a pagilian ken iti Iran.
Daytoy ket kalpasan ti panangipatayab ti Iran kadagiti bomba ken missiles sadiay Israel itay laeng nabiit.
Mapapati a ti panag-atake ti Iran idiay Israel ket kas pammales dagitoy iti maatap a panagbomba ti Israel iti embahada dagitoy idiay Syria idi Abril a uno, iti agdama a tawen a nakatayan dagiti sumagmamano a military officials.
Iti baet ti panag-atake ti Iran dagus met a nangipatayab dagitoy iti bomba iti paset ti Isfahan sadiay Iran.
Gapu iti daytoy, kinuna ti maysa a financial analyst nga apaman a kumaro ti tension iti nagbaetan dagiti dua a pagilian ket manamnama a maapektaran ti Pilipinas no sadino manamnama a ngumato ti presyo dagiti gagatangen a kas ti petrolyo ken dadduma pay.
Kabayatanna, nakasagana ti Department of Foreign Affairs (DFA), a mangipaay ti tulong apaman nga adda dagiti mangtarigagay nga agawid iti Pilipinas.
