Ad-adalen ti Hamas ti singasing ti Israel a “ceasefire” wenno temporario a pannakasuspindir ti gubat idiay Gaza tapno mayawayaan ti sangapulo a kawtibo kasukat ti ginasgasut a balud a Palestinian, sigun iti maysa nga opisial ti Hamas.
Ti singasing ket inawat ti Hamas idi laeng kalman.
Nakalanad pay iti singasing ti Israel ti pannakaikkat ti armas ti Gaza.
Saan a karaman ti garantia ti permanente a panagpatingga ti gubat, a kiniddaw ti Hamas kas paset ti komprehensibo a katulagan.
Sigun iti opisial ti Hamas, saan nga umanamong ti grupo iti aniaman a singasing ti Israel iti ceasefire a mangaw-awag iti pannakaikkat ti armasna, ken makita nga agsubli dagiti puersa ti Israel idiay Gaza kalpasan ti umuna a panagikkatda, isut rason a posible a saan nga awaten ti Hamas.
Iti sidong ti singasing, mawayawayaan dagiti kautibo iti nagduduma a tukad, mangrugi ken ni Israeli American Edan Alexander iti umuna nga aldaw ti truce kas “special gesture” iti Estados Unidos, sigun iti opisial ti Hamas.
Mawayawayaan pay ti siam a balud nga Israel iti dua a tukad a kasukat ti 120 a balud a Palestinian nga agserserbi iti tungpal biag a sentensia ken nasurok a 1,100 a balud a nakabalud sipud pay idi Oktubre 7, 2023.
