BAGUIO CITY – Naibilin iti pannakabukel ti maysa nga inspection team a mangtutok iti panangsurot dagiti business establishments iti umno a health ken safety protocols kontra COVID-19 ditoy syudad ti Baguio.
Sigun ken Baguio City Mayor Benjamin Magalong, kasapulan ti naing-inget nga inspection ken monitoring kadagiti panganan, grocery stores, ken accommodation facilities kalpasan a naaddaan iti outbreak iti COVID19 iti maysa kadagiti nalatak a panganan ditoy syudad
Maipalagip a nagpositibo ti COVID19 dagiti 36 nga empleyado ti nasao a panganan.
Gapu iti dayta, kinuna ni Mayor Magalong a maipangruna dagiti agtatrabaho kadagiti panganan iti sumaruno nga expanded testing programs ti lokal a gobierno inton Nobyembre 7
Innayunna a nailatang ti 500 a test kits para iti nasao a sektor.
