Nagsapatan ni Atty. Jan Chan kas baro a representative ti Ako Bicol party-list kalpasan a naglusulos ni Elizaldy “Zaldy” Co kas mangibagbagi iti daytoy.
Naangay ti oath taking kabayatan ti session iti Kamara iti kalman ken indaulona daytoy ni House Speaker Faustino “Bojie” Dy III.
Ni Chan ket maysa a tubo iti Rapu-Rapu Albay ken agserserbi nga abogado ken environmental advocate.
Kumpiansa met ti kapada ni Chan nga Ako Bicol party-list representative a ni Alfredo Garbin Jr. iti abilidad daytoy a mangidaulo iti nasao a party-list
Maipalagip a naglusulos ni Co kas miembro iti Kamara idi September 29, 2025 iti katengngaan ti imbestigasyon kadagiti naanomalyan a flood control projects.
Ni Co ket maysa kadagiti naakusaran nga adda ti pakainaiganna kadagiti kontrobersyal a proyekto.
Idi metlaeng napan a tawen ket immalis manipod pagilian a Pilipinas ni Co ken agingga iti agdama ket saan pay a nagsubli para iti panakitinnulongna koma iti imbestigasyon dagiti naanomalyaan a proyekto.
