Inyebkas ni Japanese Prime Minister Sanae Takaichi ti pannakipagladingitna kadagiti biktima iti magnitude 7.8 a gingined a tinmama kadagiti sumagmamano a paset ti Mindanao idi kalman, Hunyo 8.
Iti pablaak daytoy iti social media accountna, impeksa ni Prime Minister Takaichi ti pannakipagladingitna gapu iti inbati ti gingined a didigra iti rehiyon.
“I am deeply saddened by reports that the major earthquake that struck off Mindanao in the southern Philippines today has caused damage, including the collapse of buildings,” sigun iti pablaak daytoy.
“I extend my heartfelt condolences to all those who lost their lives and to their bereaved families, and my sincere sympathies to all those affected,” innayon daytoy.
Impanamnamana met a kannayon a nakasagana ti pagilian a Japan a mangipaay iti kanayunan a tulong iti pagilian a Pilipinas.
“Japan stands ready to provide all possible assistance that the Philippines may need, based on local needs,” aniya.
Iti nasao a pablaak, impettengna ti agtultuloy a panangtinnulong ti dua a pagilian nangnangruna iti panawen ti didigra. //bombokaren.c.sapirao
