Iramanen nga ipaayan iti Department of Agriculture dagiti jeepney ken tricycle drivers iti ₱20 tunggal kilo a bagas.
Daytoy ket mangrugi iti katengngaan iti agdama a bulan.
Sigun kenni Agriculture Secretary Francisco Tiu Laurel Jr., rugyanda nga ipatungpal ti nasao a programa para kadagiti jeepney ken tricycle drivers kadagiti lima a pilot areas inton September 16 pakairamanan iti Navotas City nga addaan iti 4000 nga accredited drivers.
Innayon ti opisyal a makikokoordinardan iti Department of Transportation a makin-eggem iti TODA database.
Maipalagip a ti ₱20 tunggal kilo a bagas ket immuna a naipaay kadagiti miembro ti vulnerable sector a pakairamanan dagiti senior citizens,solo parents,4Ps beneficiaries, ken dagiti persons with disabilities.
