Nakaawat ti pammadayaw ni John Pucay gaputa karaman isuna kadagiti innem nga alumni awardees iti Iceland Writer Retreat (IWR) 2025 a naangay sadiay Reykjavik, Iceland.
Malaksid iti dayta, nabigbig metlaeng ni Pucay iti achievements na ti literary arts.
Ti nasao nga indibidual ket naipasngay iti siudad ti baguio ken multi -awarded literary author ken writer.
Maysa kadagiti achievements a napangabakanna ket ti 1st prize in fiction iti 21st Jimmy Balacuit National Literary Award idi tawen 2023 para iti short story entry a napauloan ti ” An Igorot Folklore of Our Times” .
Ti kaudian met nga award a naawatna ket idi karaman isuna iti top 6 awardees a nangabak iti prestigous Alumni Awards babaen ti Iceland Writers Retreat 2025 manipud kadagiti 1,200 a qualified applicants worldwide.
Malaksid iti dyta, isuna metlaeng ti kaunaan a Cordilleran ken second Filipino a nangabak iti Alumni Award program.
Nagrugi ti alumni award program siam a tawenen ti napalabas.
Nalaos met ti ragsak ni Pucay ken sipapannakkel iti award a naalana gapu iti impaayna a pammadayaw iti siudad ti Baguio ken rehion Cordillera.//Bombo Noveh Organo