“Cool it down for the sake of the country.”
Daytoy ti komento ni Chief Presidential Legal Counsel Juan Ponce Enrile iti agtultuloy a panagapa wenno riri da President Ferdinand “Bongbong” Marcos Jr. ken Vice President Sara Duterte.
Sigun kenni Enrile, nu basbassit a pagsaritaan ti maipapan iti nasao a banag, nasaysayaat kenkuana.
Dinakamatna pay a rumbeng a mapalamiis ti nasao a banag gaputa maymaysa ti pagilian ken para iti pagimbagan ti umili iti Pilipinas.
Maipalagip a bayat ti virtual press conference idi napalabas a lawas, kinuna ni Duterte a mapapatay da Presidente Ferdinand “Bongbong” Marcos Jr., First Lady Liza Araneta-Marcos, ken Speaker Martin Romualdez no mapapatay daytoy.