Opisyalen a nadutukan ni Juanito Victor “Jonvic” Remulla kas baro a Department of the Interior and Local Government (DILG) secretary ita nga aldaw.
Daytoy ket kalpasan a naglusolus ni sigud a Department of the Interior and Local Government (DILG) secretary Benhur Abalos iti nasao a posisyon para iti panagtarayna kas senador iti 2025 National ken Local election.
Iti panag-akem ni Remulla iti baro a posisyon, inkarina nga iparekkepna dagiti amin a Philippine Offshore Gaming Operators (POGO) hubs iti pagilian pakairamanan ti Island Cove Resort a sigud a tagikua ti pamilyada ngem naituding nga agrekkep daytoy inton Disyembre iti agdama a tawen.
Malaksid iti dayta, kinuna ni Remulla a risutenna dagiti pakaseknan maipapan iti struktura ti Philippine National Police (PNP) ken ikkatenna ti “politics” ken “palakasan” system kadagiti nagduduma nga organisasyon.
Iti agdama, addan ti dua nga Remulla iti Marcos Administration nu sadino ti maysa kadagitoy ket ti kabsatna a ni Department of Justice Secretary Jesus Crispin Remulla.
