BAGUIO CITY – Bimmaba ti bilang dagiti pasahero nga agluglugan kadagiti taxi kasaruno ti pannakaipasidong dagiti taxi units iti calibration.
Impeksa ni James Bolinao, presidente ti Dumper Philippines-Cordillera Chapter ti pakaseknan dagiti taxi drivers gapu iti kimmapoy a mabirbirukan dagitoy manipud ngimmato ti plete kadagiti taxi.
Kinunana a manipud nabaliwan ti fare rate kadagiti taxi ket dagiti laeng operator ti agnumnumar iti daytoy gapu iti pannakaipangato ti boundary.
Amken ni Bolinao a karkaro pay a kumapoy ti masapulan dagiti taxi driver gapu iti pannakamulit ti imahe dagitoy kasaruno ti waragawag ti Baguio City Police Office nga adda dagiti driver dagiti parapubliko a lugan nga agar-aramat iti iligal a droga.
Iti baet daytoy, mangnamnama dagiti taxi drivers a makasubbot dagitoy apaman a mairwan dagiti pasahero iti baro a fare rate ken apaman a madanon ti BER months.
