Binombaan ti Israel ti Beirut idiay Lebanon kagiddan ti manamnama a panagpinnirma ti US ken Iran iti katulangan para iti panagpatingga ti giera sadiay Middle East.
Napasamak ti panagraut ti Israel iti Hezbollah a supsuportaran ti Iran, kalpasan nga inwaragawag ti Amerika nga agpinirma dagitoy iti katulangan idi kalman.
Sigun iti Israeli military, insayangkat dagitoy ti panagatake kas sungbat iti panangraut ti Hezbollah iti northern Israel.
Posible a mangitunda daytoy iti ad-ada a tension kalpasan nga inkari ti Iran nga agibalesda kontra iti Israel.
Mainaig iti dayta, impetteng ni US president Donald Trump a rumbeng a saan a napasamak ti panagraut ti Israel, nangruna ita a dandani ti Peace deal dagitoy iti Iran.
Maipalagip nga impaganetget ti Iran nga anyaman a katulagan ket rumbeng met a karaman ti panagpatingga ti giera idiay Lebanon.
Nupay kasta, inlaksid daytoy ti Israel ken kinunada a masapul nga agtultuloy ti millitary operation dagitoy kontra iti Hezbollah nga adda sadiay Lebanon.
