--Ads--
Nagprotesta dagiti kaalyado ti Ukriane ita nga aldaw kalpasan a saan nga immanamong ti Kyiv ken Moscow nga umanamong iti “ceasefire” wenno panagsardeng ti gubat iti umuna a direkta a saritaanda iti uneg ti tallo a tawen.
Itay laeng nabiit, dagiti delegado manipod iti dua a pagilian ket nagsinnarak ken nagsarita iti umuna a gundaway sipud idi Marso 2022, maysa a bulan kalpasan a rinaut ti Russia ti kaarubada a pagilian.
Nagbayag ti saritaanda iti dua nga oras, ken awan ti dagos a pablaak nu kaano ken sadinno ti pagkitaanda manen.
Maipalagip a kayat ni U.S. President Donald Trump nga agpatingga ti panagsusupiat iti nagbaetan ti dua a pagilian ngem agingga iti agdama ket awan paylaeng ti panagdur-as iti nasao a banag.
